Балет

Балет е форма на танц, со потекло од францускиот двор.

Балетски претстави се нарекуваат оние претстави во кои има само балет (играње, танцување) со глума, во придружба на оркестарска музика, но без пеење и зборување.

Балерини и балетани

Женски и машки играчи кои изведуваат балет.

Бина

Посебно уреден простор на кој се изведуваат театарски или балетски претстави и опери.

Виолина

Музички инструмент, често нарекуван и кралица на музичките инструменти. Виолината е направена од дрво, а на неа има четири жици кои се придвижуваат со гудало. На тој начин се создава звукот.

Виолински клуч

Музички знак кој се пишува на почетокот на петолинието и служи за точно именување на нотите.

Грамофон

Апарат што произведува звук и на кој се слуша музика со помош на плочи.

Гримиорна

Просторија која служи за пресоблекување и шминкање на оперските и балетските уметници.

Гудачки квартет

Музички состав од четири инструменти (две виолини, виола и виолончело).

Диригент

Музичар кој раководи со изведбата на музичките композиции.

Диригентска палка

Мало стапче, најчесто направено од дрво, кое диригентите го користат за попрецизно давање на знаците на оркестарот и мерење на тактовото време.